- 048 -

1277 (27. września) Wrocław

Książę Śląska, Henryk IV. Probus, uwalnia wioski należące do szpitala Świętego Ducha we Wrocławiu – Wysoka, Trestno i Zębowice od wszelkich powinności prawa polskiego i przekazuje mu sądownictwo nad chłopami etc.

— In nomine domini amen. Si bona diuino cultui dedicata benigno fauore prosequimur, eis alicuius gracie beneficia largiendo, nequaquam ambiguimus, quin pro eo eterne beatitudinis premia consequamur. Ea propter nos Henricus, dei gracia dux Slesie et dominus Wratizlauie, notum esse volmus uniuersis presentes literas inspecturis, quod religioso viro, fratri Tilmanno, preposito hospitalis sancti spiritus, et ipsi hospitali prope Wratizlauiam ad consolacionem pauperum infirmorum ibidem pro nunc et in futuro degencium, vt eo liberius et magis caritatiue tractari et refoueri possint, ac pro salutari anime nostre et omnium nostrorum progenitorum remedio de nostra graciosa munificencia presentibus conferimus et donamus, quod bona dicti hospitalis, videlicet WysokaWysoka w pow. Wrocław, TreschinoTrestno w pow. Wrocław et SambiczZębowice w pow. Wrocław, ab omnibus seruiciis ducalibus, exaccionibus, vecturis et quibuscunque angariis, solucionibus et grauaminibus libera esse debent in perpetuum et exempta. Insuper inhabitatoribus dictorum bonorum, scilicet in Wysoka, Treschino et Sambicz, tam largam presentibus concedimus libertatem, ut pro nullis causis nisi pro causa criminali capitis vel mutilacione menbrorum per nostrum sigillum citati in nostra presencia respondere teneantur, alias vero omnes causas preposito dicti hospitalis concedimus et committimus in perpetuum iudicandas. Si quis autem hanc nostram libertatis donacionem pro pauperum infirmorum consolacione factrum infringere presumat, coram districto iudice pro nostris ac nostrorum progenitorum reatibus se sciat responsurum. In horum omnium euidens testimonium presentes literas nostro sigillo fecimus roborari.

Actum et datum Wratizlauie VI° Kalendas Octobris, anno domini M°CC°LXXVII° presentibus nostris baronibus Symone palentino, Nenckero subpincerna, Henrico subcamerario, Samborio subdapifero, Henrico, fratre eius, Pascone, Alberto et aliis fide dignis.